ديوان الشاعر/عويد كسار (بحر القصيد)

قصيدتي ماهي ترى شي عادي ..!!
وقبل انولد رزقي من الله مكفول

هي الهوى لروحي وشربي وزادي ..!!
وهي سكرة الخمره من شفاه معسول

وهي السهر لا عاف جفني رقادي ...!!
ومستقبلي واللي بعد حلم مجهول

هي غايتي .. هي منيتي هي مرادي ..
وهي أول ايام السنه واخر الحول .. !!

وهي نار من ضلعي حطبها رمادي ..!!
وكل ماتهب ريحٍ ن توقد على طول ..

وشبّت لهب ؛ جمر الغظا في فؤادي ..!!
وفي راس رجم امقيّد الجن ° مقفول ■

وانثى المطر لا اسرجت مهرة عنادي ..
وقلّدتك بصدر الشعر .. جوهر اللول ..!!

ايه اصهلي ، بحافرك قدحة زنااادي ..!!
ماجيتك ف بيتٍ من الشعر منقوول..

مجنونتي حبك .. ماهو شي عادي ..!!
وفقدك ولا يوصف من الشعر وآقول ..

مثل الفجيعه ب قلب.. سقم المعادي ..!!
للزير يوماً ..جابو كليب ..مقتول ...

بحر القصيد~

ياالحب...♡ ....!!

طارت بقلبي في سما الحب حمامه
وكلمة احبك عشها براحت إيديك

يوم وصلت حد السما والغمامه ..!!
ردت على ايدك عشها قالت اغليك

وش كثر احبك ماعرف كم دامه ..!!
محدن وصل عد النجوم ب لياليك

كثر النجوم الساريه في ظلامه ...!!
احبك اكثر من عددها ولا احصيك

كثر الامل رسم الطموح و مرامه ..!!
وكثر الغزل وابيات شعري انا فيك

وكثر الفرح في رجعتك ب السلامه
و انا اتحرى جيتك لي .. احاتيك

وكثر اعتزاي والشرف والكراامه ..!!
وكثر سمو الحرف هيبة معاليك ..

وكثر الحميه وغيرتي والعدامه ..!!
وكثر الفخر يوم اتنومس بطاريك

وكثر الشمال اهل الكرم والشهامه
وسلمك وطبعك والوفا من مباديك

وكثر العتب للصمت قبل الملامه ..!!
عزت عليه ماازعلك غير اراضيك

وكثر الذي برموش عينك سهامه
لو ما تكلم نضرة الحب تحكيك ..!!

يا اعز واغلا من ملكني ب غرامه
رسمك لروح الشعر فن بمعانيك ..!!

وانتي وانا.. والحب مثل الحمامه ..!!
مهما ابعدت عن عشهااا رايح اتجيك

و يحرم عليه لين يوم القياامه ..!!
فلا احب غيرك ولاعشت اخليك

بحر القصيد ~

انا الخيال بواقعي ماعرف من ..!!
من هو انا مدري .. ولا وين كنا ..

كنا قصيده اذهلت عالم الجن ..!!
وكن الزمن ماهو بعد هو زمنا ..

كنا شقا حظ ن من الوقت ارعن
وياما نزفنا اجراحنا واكتبنا ..!!

عشنا وطن غربه ولا فيه مسكن
ومتهجرين ب أرضنا عن وطنا ..!!

وكنا حجر منحوت تمثاله الفن ..
بأهرام تابوت احلامنا حنطنا ...!!

وكنا عرب لكن .. ولا فيه العن
بعد الغدر .. لرواحنا غير منا ..!!

كنا وكنا .. بس انا آقول احسن
نسكت ... قبل ابياتنا يسجننا ..!!

لو الزمن خاين فلا باع موطن ..!!
بس البلا فينا بس نخون حنا ..

بحر القصيد~

مساء الخير
مدونه اكثر من رائعه شاعرنا
صح بوحك ومتابعه لكل مايجود به قلمك
تحياتي لك
احساس انثى

احساس انثى

ويسعد مساك وصح بدنك نورتي الروعه تكتمل بمرورك الانيق لاعدمتك

انقى تحيه

قبل اعشقك فيني شقا طيش وجنون
ومن بعد عشقك ماابي عقل ثاني

بلا عقل ابغا اعشقك وين ما تكون
مسكنك قلبي خلف عووج المحاني ...

وبلا عقل ابغا اقهر اللي يعذلوون....
ومنك يغارون ... النساء و الغواااني ..!!

جيتك وانا قلبي تعب ينزف طعون
وبحراً بلا مرسى ولا له موواني...!!

ارسم ملامح غربتي نضرة عيون..!!
تطيح دمعه ايسيل حبر المعااني ..

اعيش من دونك !! وانا آحبك شلون
امووت والله ... لو فقدتك ثوااني..!!

بحر القصيد ~