قصيدة الشاعر لافي بشير الجعفري (( عاش الملك سلمان))

عاش سلمان القيادة والزعامه****
عاش راس شنها غاره جريه
عاش من بشر دخيله بسلامه****
وانتخا لحزم المصاعب والقضيه
عاش راس اخو الفهد مجزل مرامه****
وانتخينا له وقوف وجاهزيه
قال شنو غاره الحزم بقرامه****
واعتلوهن ليله السادس مسيه
في شهر سته ومبداها تهامه****
سته وثلاثين من هجرة نبيه
واعتلوهن واعتلو فيهن غمامه****
كل بطلا همته يحمي خويه
والهدف عبدالملك هو والخمامه****
منكرالمعروف من نفسا رضيه
اشهد ان رايه على الراس احترامه****
وجاهزين للصفوف الاوليه
ماحسبنا غير لفعول الجسامه****
عادة الاجداد نوماس وحميه
من ليالي كور ريمه والنعامه****
اومغار المعنقيه والعبيه
مانشاور يالزمة حد الكرامه****
ولا حسبنا للبعيده والدنيه
من جهلنا نلقنه درس الندامه****
والقذايف خير درس ومنهجيه
روسنا عز تعلا كل هامه****
مانعيش بذل والروس محنيه
حن هل العادات وحماة الجهامه****
حن هل الفزعات ورجال الحميه
حن مقابيس الوغا مقدم عسامه****
نسند الهجمه هجوم ومقدريه
والله ان نموت مانرضى الملامه****
والمبايع والوعد حوض المنيه
بشر الحوثي وصالح بقتحامه****
والتحاور بالفشق والبندقيه
والله ان تبطي عيونه عن منامه****
والله ان لتضيق به دنيا فضيه
وكل رجل يفتخر باسما عمامه****
وعزوتي ياهل الحشيمه وايليه
والسعوديه على صدري وسامه****
جعفري وافتخر نعم السميه
الشاعر. لافي بشير الجعفري العنزي