ذولا مقابيس المنايا لا بالله=لا سلفت مظهور يتبع لمظهور
للعرف منهاجٍ وللطيب مله=أخوان بتلاء لاعتزى كل مشهور
صاح الصياح ووافق القول حله=من دون جار البيت والبيت والخور
ياجديع سل السيف ياجديع سله=راع الحصان من الصطر تقل مسعور
بوجيه شرهين النشاما الاجله=طير السعد فعله مجرّب ومخبور
وشيوخنا (آل هذال) نجمٍ مطله=فوق النجوم نجوم من غير محقور
وأنا ترى (بجديع) هايم مؤلّه=مات بشبابه كيف لو عاش له دور
ياجاهلاً بجديع راجع سجله=تغرق فخر كنك على مجمع بحور
نفتح مجال ونقفل الوضع كله=مساءك يالاطرق معطر من النور
ترحيب بالخيال مع مهرتله=ديدانها التبريك والورد منثور
من قلب صادق بالغلا يشهد الله=أصدق مشاعر ترجمت نبض منصور
الإهداءات
« آخـــر الـــمـــشـــاركــــات »
| 
|
العرض الشجري