(شاعرة الخليج الاولى) ديوان الشاعره الجفول

ما أحبك !!!!

خرجت لنور بهذه الصوره ولها في نفسي ما يبررها فتقبلوها

أكرهك ما أحبك ما أدانيك ما أبغـاك
بكـل اللغـات أقولهـا عـن قناعـه
يئست من تعديـل الأوضـاع ويـاك
ومليت من ترديـد سمعـن وطاعـه
أنسـان متغطـرس وجاحـد وأفـاك
وشلون ما شفتك بهـذي البشاعـه ؟؟
هو أنت أنت اللي مسح دمعي أهناك ؟
هو أنت أنت الي ضنا البعد راعـه ؟
هو أنت أنت النجم من بين الأفلاك ؟
هو أنت عنوان الكـرم والشجاعـه ؟
هو أنت ذاك المفعم بحـس وأدراك ؟
هو أنت من راسي توسـد ذراعـه ؟
يومنها جت لك على غيـر مشهـاك
رميـت ثـوب المرجلـه والبتاعـه
جازيتني بالصد يـا طـول مسـراك
وكفرت باسلوم العـرب والجماعـه
وهدمت صرح الحب وأعلنت جفواك
وأنا لـك الله مـا نويـت القطاعـه
رح في طريقك جعـل بقعـا تقفـاك
يا جاحد ن مبطـي طوينـا شراعـه
لي هامتن ما تنحنـي لـك وتـدراك
نذرن علي لوكـان بالعمـر ساعـه
حرام ما أشوفك ولا أعيش رجـواك
ولالـك بدستـور المحبـه شفاعـه

مع أرق تحياتي
الجفول من الكويت

</B></I>