ديوان الشاعر/الأطرق بن بدر الهذال

مساجلة قديمه بين الشاعر ناصر الحجوري
والشاعر الاطرق بن بدر الهذال ابو سلطان


ياعِدّ مثـل الهـرم معـدود=وسلالـم المجـد راقيـهـا
اسمع معي طالع المجـرود=بعـد السلامـات مااقريهـا
كلٍ على ما ملك محسود=والحسد له ناس مشقيها
بين العضا والقلوب يرود=لامـا تـرده محانيهـا
وانته يالاطرق سليل اسود = مسالك الخير تمشيها
عندك دواء للقلوب السـود=يفيـد فيـهـا ويشفيـهـا
وألاّ ألامل فالدواء مفقـود=ونطلب من الله العوض فيها


رد ابو سلطان

حي الصفاوي سليل الجود = ومعـانـي الطـيب حـاويهـا
كريم سبلا عــريب جــدود = واللازمـــه مـايـخــلـيهــا
حـياك يافـرحـة المضهــود = لاجــاك يشـكـي مساويهـا
صدقت باللي تقول وزود = النـاس فـيهـا ومـافــيهـا
اهل الحسد والقـلوب السود = مافــيـه طــبٍ يداويـهــا
الا التـوكـل عـلى المعـبود = يكـفـي عــباده بـلاويـهـــا
شرواك مثل الهرم معدود = والطايله انت راعـيها
اترك مخالط قليل الفود = وأخـتر رجــالٍ تخــاويهـا
الطـيب فـيهـا بـليا حـدود = والله على الخير هاديها
خل الحسد يحرق المقرود = وكبده من الحقد يشويها



http://mdyf.net/vb/showthread.php?t=3417