برقا (( الشاعر خلف صالح الرويلي) )

برقا" لمع واستانست ظلمه الليل
وليابرق سلم على القاع ضوه

وقامت تسولف له بصوت التعاليل
قصه مطر والصبح مابان توه

وليا رعد تبسم الكون بالحيل
والصمت تالي الليل يسكن هدوه

غيمه شمالن حروه الجدي وسهيل
وريح المطر تنفس الصبح نوه

يسقيك يادار النشاما هل الخيل
دار الشمال اهل الكرم والمروه

ربعي هل العليا زحول الرجاجيل
مثل الجبال الشامخه في علوّه

وبيت الشعر مبني وحوله معاميل
والدله الصفرا على جال ضوّه

ريحة مطر يخالط البن والهيل
وريح السحاب اللي تعطر بجوه

وقامت طيور الصبح ترسل مواويل
وتلقا الزبيدي باالربيع امتموه

وجمر الغظى والبرق من غير تفصيل
منظر سحر عيني بعالي سموه

الله واكبر خالق القحط والسيل
سبحان رب البيت عالي علوه

وختامها صلو لخير المراسيل
المصطفى اللي خاتما للنبوه

الشاعر / خلف صالح الرويلي

اخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
$أميرة الورد كانت هنا $

صح لسان الشاعر

لاهنت اخوي عبدالرحمن على النقل


تقديري

صح لسان شاعرنا خلف صالح الرويلي على النص الرائع

لاهنت على النقل اخوي عبدالرحمن


فائق التقدير

تسلم اياديك على جمال الطرح
عافاك الله

ودي لك