ذكرى وأشتياق \ديوان ابراهيم حرير العنزي

أصبرعلى الشدة ومنهاعلـى الجـوع =وأصبرعلى صبـري لاخـر توالـي
قالوا رجيم وقلت أنا خوش موضوع= أبرك وأشيل ابهـا حمـول أثقالـي
أصبر أسنين وعدة أشهور وأسبـوع= لاجـل الغوالـي أتحمـل لحـالـي
أصبر وأصبر والالم صـار مدفـوع= ولو طالـت المـدة حشـى ماأبالـي
أحاصر البطن الكبيرة علـى الكـوع =عقب التلاع أتصير مثـل السهالـي
كثر الاكل كثر الدسم صـار ممنـوع =وأبعد أنا بنفسي علـى كـل حالـي
عند الغداء أكـل خفيـف ومنفـوع= وأفطر على التمـرة ومـاء زلالـي
وقت العشاء أشرب لبن بس قرطوع= وأرتاح في نومـي ويرتـاح بالـي
العب رياضة بالتماريـن مجضـوع= لاكن سعيـد وجـو جـوي صفالـي
عقب الكسل عقب التعب دوم مصروع= خمـول دايـخ زايـد فـي أهمالـي
مرتفعة الامـلاح والضغـط مرفـوع =ألم مفاصل والبلـى فـي الضعالـي
وكثر البلاوي أتفـرع الى أفـروع =والله يستـر مـن بقايـا التـوالـي
أفطن لنفسك قبـل متشـال متبـو ع =أدي الفروض وخـل وزنـك مثالـي

سيارتي خربت وأعرف أشبلاها = عدادها نـــازل عــن الصفربشــوي
خلص بها البترول ماهــو بمــاها = تشرب ولاعبـت أغـــربن ولاأروي
الصوت مزعج والدخن من قفاها = دخانها مثـل الحطب شبـــه ضـــــي
اتنـثره ما تحترم لقصـــــراها = قطى على مـن خلفها صار بالفـــــي
وترى الصراحه السبب من قناها =سارح مع الاموات لوكان هوحـــــي
ليا ركبها صار زايد غــــــــلاها =وليا مشــى قــــــام أيتعوذها ولـــــي
راح أيتعلل وبالمجالس نســــاها = لوكان تمشي مشيــــــها دايــم أردي
ولاوقفت زاد العنـــى من عناها = يمشي مع الشارع ويطوي الحجرطي
ومن أسترخص حاجته لاشراها = يدفع كثـــــر ماجابها ولادفــع شــي

يالي تذم الشعر

يالتذم الشعر افهم لمعناه = الشعر سجل له مكانه وعنوان
سجل حوادث صايرات وخلاه = حفر لها ببيوت الاشعار برهان
بين سوالف لذكرنا لطرياه = يعيد ماضيها على طول الازمان
الحق مهما حاول الشخص ماخفاه = راح ايتنقل بالقوافي والالحان
بين القبايل فعل الابطال طرياه = صار يتردد كل علم لهم زان
افعال رجال بينت به مزاياه = لو هو فقير صار له عندها شان
واللي يبي وصل الحبيب واغلاه = ومشتاق يسمع كلمة عنه يافلان
يكتب عن اشواقه بالاشعار واهداه = فيها المشاعر ماتقدر بالاثمان
عن شوف خله بيت بالحب سلاه = يوصف مزايا ناعم العود نعسان
خيالها بالقلب ماعاد ينساه = مرسوم قدامة يشوفه بالا عيان
وليا بغى فارس لفارس املاقاه = ارسل قصيدة بالتحدي وزعلان
بين المعارك يحتمل كل ماجاه = ويصد ضربات العدى عند ميدان
ميدان فيه السيف بالدم ارواه = يغير مثل الذيب لاخز قطعان
سجل بطولات وهو قاهر اعداه = ومفلا حلانه دوم امن ومنصان
وعن حب ارضه قال بالشعر غناه = يرفع بعالي الصوت بالدار طربان
وطن ربى في ظله وشرب من ماه= يعيش مخلص له من القلب والسان
ولياقرب حده عدو وتوطاه = يرمي عدوه بالحمم تقل بركان
يبي الامان بجاله ودوم ابحماه = وحب الوطن واجب علية من الايمان
ومن يفقد الغالي تحمل لبلواه = فرقى الحبايب مايفارق للذهان
من راح مايرجع وشي عرفناه = هذا الزمن بماضي الوقت خوان
ياما خذت منها الرجال المسماه = تاريخها بالمجد والعز عمران
اجيال راحت والعظم راح وافناه = تراب الارض انتهت مسيرة للانسان
كان الفرح فيها يداوي الماساه = لاجاه مولود تفائل وفرحان
يلعب معه و بغالي الروح يفداه = البيت زان لالعب فيه ورعان
وليانجحوا عم الفرح كامل اعضاه = وحين ارتبط مع زوجته كان رضيان
من عاش مسرور ترى المال ماغناه = بس القناعة مابغى الزود طمعان
والشعر به حكمة للاجيال تقراه = ناخذ بها عبرة على مر الازمان
به الفرح به الحزن والمعاناه = تقوم بالاشعارابيوت واركان
قصة ومن شافها ماتعداه = يشوف صورتها على الشعرتنبان
ناخذ بها درس عسانا استفدناه = وهذي الحياة دروس والجاهل ايهان

قصتي مع البته (لعب الورق )

خليت انا البته وريحت بالــــــــــــــي = بغيت اعسف النفس واترك هواها
نسيت ربعي الاهل والعيالــــــــــــي = وحقوقهم متقعسن في عطــــــــاها
لاعب نهار وساهر بالليالــــــــــــــي = مع شلة عـــــــــــــدو عينك معاها
من كثر ماتلعب تصاب ابعضالـــــي = وريئتك دخان الزقـــــــــاير ملاها
ماتسمع الا اللغو في صوت عالــــي = شــــــــلة جهل مدني مستــــــواها
مافرقوا بين الحـرام وحلالـــــــــي = فـــي شد خلق الله تسارع اخطاها
ولازانت الهرجه يا همملالـــــــــــي = ابطال في الصحراء اتقاتل اعداها
حسبتهم من صاحبين المعالــــــــــي = واثــري النفوس امئيس من اشفاها
صدقتهم واصدقتهم من اهبالــــــــي = ولاسجلوني مع فريــــــق اصدقاها
صاحبهم اللي يدفع الضعف مالــــي = دلو المصالح جــــودوا في ارشاها
ولاصادفت من ضيم بقعى ليالـــــي = ابحث عليها غايـــــــــــــبه ماالقاها
يارب ارحمني والطف بحالـــــــــي = والنفس الهمها وزد في تقـــاهــــــا
وصلاة ربي عد نجم ايلالــــــــــــي = على الرسول اللي الامــــــة هداها

قصتي مع البته (لعب الورق )

خليت انا البته وكثر التعالــــــــــــــــيل = بغيت اخفف من كثر الخطايـــــــة
لاهي عن التسبيح بالقال والقيـــــــــــل = كثرة اذنوبي وضيعتني ا خطايــــة
زادت اذنوبي وصرت للحمل ماشــيل = ذنبي وصل حده وزايد بلايـــــــــة
اصبحت ان مدمن على غير تحلــــيل = صعب اعلاجي مالقيت الــــــدواية
صارت اتصور لي بالاحلام بالليــــل = العب ودايم خاســـــــــــــر بالنهايـة
ا ن جيت اصنف حالتي يارجاجــــيل = احترت انا من أي البشر والبـــراية
ان قلت انا عالم فانا جاهل حيــــــــل = ماخذ ادروسي عن طريق الهــواية
ان قلت انا جيد لابالله ارفيـــــــــــــل = وان قلت ان صاحي وقعت ابغبايـة
وان قلت انا ذيب للمور حلحيــــــــل = بلشت ان في عيشتي وفي عشايـــة
وان قلت انا عادل عن الدرب ماميل = اكثر اوقاتي ماشي في عمايـــــــــة
وان قلت انا دين اسبح وتهليـــــــــل = احفظ قصيد وماتذكر بايـــــــــــــــة
قالوا امطوع بس هوايه وتمثيـــــــل = والله واعلم في خفي النـوايــــــــــــة
الملتزم لازم ايجنب عن السيــــــــل = يرفع اثيابه مقتنع مـــــــــــو دعاية
واستغفر الله عن ذنوب مظاليـــــــل = من فوق راسي زودت من شقايــــة
انت الغفور ورازق النمل والفـــــيل = نسالك حسن الخاتمة بالنهايـــــــــة

قصتي مع البته ( لعب الورق )3
الشدة اللي

الشدة اللي علقتني ابهــــــــــــــــواها = تمكنت مني وشدت اعقــــــدها
لفتني في حنانها مع ضناهــــــــــــــا = وجرتني في امهادها مع ولـدها
اصبحت اعيش بجوها وبسمـــــــاها = اسرح وامرح ملتزم في بلـــدها
احفظ مودتها ومنسى غـــلاهـــــــــا = وبنفسي كنت اظنها مابعــــــدها
ولاكنت افكر في عواقب بلاهـــــــا =اثري اعيوني زايد في رمــــدها
الشوكة اللي ماكسب من وطاهــــــا = عقب السعادة جاب نفسه لهـــدها
دور عليها ومن خلاله شراهـــــــــا = ورط لحـاله وفي يدينه قــــردها
وليــالقـــاله شــــــدة ماعدهــــــــا = قدام عينه بس تومـي ابيـــــــدها
ياحالي اللي مالقيت الــــــــــــدواها = وصار الجميع ابنظـرته ينتــقدها
لازم اخليها ومااركض وراهـــــــا = عز الله اني صـادق ومعتـــــمدها
اني لعسف النفس واترك هواهـــــا = وبعض المجالس انتحي وابتعدها
الحكمة اللي واضحة بمعناهـــــــــا = ترى الفتى لاعز نفسه يجــدهـــا

لكل عشرة نهايه

خليتها تاريخ خمسه وعـــــــــــشرين = وماعاد العب لاتحاول معــــــــايه
الشده اللي عذبتني من سنيـــــــــــــن = مـــــــــــرافقتني دوم تمشي ورايه
ان قلت حنا اليوم لازم مقيمــــــــــين = قـــــــــامت تبث اعلومها والدعايه
قالت ترى ربعك هم اللي معيـــــــين = عــن اللعب وحضوركم صار غايه
لكنت خالي جتك الافكار من ويـــــن = فــــــــــــيها النكد والهم بين الحنايه
استبدله في مجلس طيب زيــــــــــن = تــــــلقى السوالف والشعر والهوايه
لعب وتحدي بين ناس عنيديـــــــــن = والــــــــفوز صاير غايتي هو منايه
الوقت راح وماانتبهنا ولاهيـــــــــن = انـــــه مضى من اعمارنا من البدايه
نلعب ونسهر مادرينا الخطا ويـــــن = ولافـــــــــــــــيه واحد قال يلا كفايه
جاك الندم لاقمت واتواصل اللحيـن = وانــــــــــت بطريقك بين كل البلايه
الم ضمير وحزن والخاطر الشيـــن = ضيعــــت نفسك ماحفضت الوصايه
يالله يدعوك العبيد المسيكيـــــــــــن = انك تســــــــــــامحني وتغفر خطايه
انا اعترف بالذنب لاشك مخــــطين = يارب ارشدنا لــــــــــــطريق الهدايه
وخلاص اني تبت ماعاد تغريــــــن = وترى فراقك عيد لاح بـــــــــــسمايه
تفرقت ادروبنا وصارت اثنيــــــــن = ودعتها والكل عشره نهايـــــــــــــــه

هذه القصيدة وجهتها للشاعر سلطان بن ابراهيم التميمي
(يا صدوق المخايل)

ياصدوق المخايل وش اللي تخاليه=طير شلوى يسالك وش اللي جرى
حنا ماكل الرجال ترانا نسايله = غير مثلك وحولك الطيبين اعشرى
ايبين الرجال من صافي مثايله = لوما نعرفه ولاعنه اخبرىى
مابحثنا عن اوراق له افايله= ربك يعلم الحال هو اللي يرئى
الكلام الذهب ينسب للي قايله =فيه حكمه ومعنى بشعرك قرى
يوم يسمع الصوت اللي شايله=كننا عند رضي الشمري حضرى
طيب الاصل تبينبه عنه اصايله= ابدوي ماسكن وسط الضواحي والقرى
عايش البدوان سنين مضيات طايله = نشىء من عداتهم ملمعلهم ضرى
يذبح الخرفان للضيف اومن رحايله =افعالكم باطيب كل واحد درى
عند ربعه اتمشى في روابي حايله = يكرم الضيف والعاني وايحشم اقصرى
وبامعارك تشتهر وسط العرب فعايله = دايما تلقاه قدام مايرجع ورى
والعدو وبراس سيفه يصيب ونايله =قص راسه وادفنه تحت الثرى
وهذا الايام الصوره تشين ومايله= ضاعت الخوه والعادات والساري يسرى
تشتبك بين كل العرب قبايله =مايفيد الوسم او صبغ امغرى
قد الكفار في قصته فتايله = مسحب للثوب من حدره هرى
شفنا من هذا الزمن هوايله = وكل طب السوق يبيع وشرى
بالشوارع تبترم داما محايله =-مثل مقلوت دايم يحوم ويسهرى
منت مرتاح لاسالته اوبغيت اتهايله =لاقلت النصيحه ترك وبفكرك زرى
ايحسبها حق لوهي افكاره عايله =ضاعت الطاسه ولافيها اثمرى
وهذي الدنيا نزين وتمضى زايله= ويبقا علم الطيب دايم يذكرى

وقد رد علية ( صدوق المخايل )

ياطيـر شلـوى ياكريـم الخصـايـل=يامرحبابـك يـوم هلـيـت الاشـعـار
يالكهـف قلـه لـو صـدوق المخايـل=يجـيـك لازم ماتعـنـى بـالاسـفـار
ويسمـع الفدعـان زيــن المثـايـل=سلام بـه ريـح البختـري والازهـار
سـلام مخلـوطـن بنعـنـاع حـايـل=سـلام وارسلتـه علـى كـل الاخبـار

وقال الشاعر ابراهيـم حريـر العنـزي ردنا على قصيدة صـدوق المخايـل...

أترحـب الفدعـان وأعـيـال وايــل=لا سمعـت الطـيـب لا فـاهـا وزوار
وصلـت ربعـك ياصـدوق المخـايـل=وكـل دار فدعانـي لكـم ياخـوي دار
عـادات أهلنـا والـجـدود الأوائــل =شيوخنـا صوتـوا بالعشـاء أجهـار
يا مرحبـا بـك يـا عريـب السلايـل=هل الكـرم والطيـب فرسـان الأمهـار
والنعـم واللـة لـو مـن أي القبائـل=بانت أمثالـك والحكـم قلتهـا أشعـار
تهيـت عـنـدك جمـيـع المثـايـل=هذيتهن وأحضرت من شعـرك أحضـار
تحـدرن مـن فـوق شـلال سـايـل=مثل الجواهـر والذهـب أجـود عيـار
نفخـر بهـا بيـن الأهـل والعـوايـل=ولصـار ربعـي بالمجالـس وحضـار
وليـا جزتـهـم قشـكـم والرحـايـل=وبقيت أخوك ورحت حضـرت الأسفـار
نفـرش لدربـك بالزهـر والخمـايـل=تاطـأ عليهـا بالفخـر وأنـت مـرار
نستقبلـك بالطيـب والعـود شـايـل=بخور أجـود نـوع مـن عنـد عطـار
أهـلا وسهـلا يـا صـدوق المخايـل=وكل دار فدعانـي لكـم يـا خـوي دار

العافية هي راس مال وسعادة = اليا وصلنا لقول الاراء والجد
العافية جسمك بخير وجلادة = لارحت دكتور ولا لا ترقد
العافية لوكنت بارض حماة = اليارفعت الصوت الجال لك رد
العافية شم النسيم وبرادة = مفتوح خشمك بالبراري وماسد
العافية قو النظر لو جرادة = أتشوفها لوهي عن الشوف تبعد
العافية تسمع الكلام أبهوادة = تسمع قصيد الراعي اليامنه مد
العافية تشعر بلمس الرمادة = جليد طري حساس ما يابس شد
العافية لاصاد طيرك أصايدة =أفرش فراشك بالخلى بعدها غد
العافية بالنوم كبر الوسادة = لانمت مرتاح و لاجيب لاود
العافية لامن نسيت القرادة = لاعفت مخلوق ولاأحد عنك صد
العافية لاتقترب للنكادة = أعزم توكل بالامر لاتردد
العافية لاتتصف بالبلادة = وخلك سهل لا بالامور أتشدد
العافية باقي الامور أبركادة = لاتاخر الواجب ولاتصير محتد
العافية رافق قوي الارادة = لالياأستشرته فاد والياحضر سد
العافية لامن حصلك شهادة = لونك بعيد لك أوادم بتشهد
العافية كنز القناع زيادة = راضي بمقسومك وماحاسد حد

كثرالسهر ياصاحبي يتعب الحيل =وتصير بين اثنين صاحي وغافي
اتابع النجمات في برحت الليل = وتجمع افكار دفنها السوافي
اتراجع الذكرى مع الجدي واسهيل = والنبع من طول الزمن به جفافي
عودت نفسك للسهر والتعاليل = وعسفتها غصب عليها اعسافي
يتعب بها الانسان من دون تحليل = تراجف الاعصاب بين الاطرافي
يصبح عليه الصبح متكسر الحيل = لو كان من قبل النشيط السنافي
والا تاخر بالمثل شايل شيل = ولاحطوا الموجود حطوا مافي
وسط العمل دايخ وهو كنه اخبيل = موجود جثه وباقي الراس طافي
ويرجع على بيته هو ارفل ارفيل = وايعامل الزوجة والعيال جافي
دق الغداء وصار ايتمايل به الميل =يبي الحاف دافي له وضافي
واليانهض يمشي يدور التعاليل = كل سالفه ماقد يخفاه خافي
بين القهاوي يشر ب القدو والهيل = قمرى وربيع وعنده الجو صافي
راح الزمن يسرع وهو يحسب امهيل= ولايدري عن بيته اعيال اضعافي
مرتفعه حراره بعده اطفيل = يصعب عليه الدواء والتشافي
ياناسي نفسك بين الرجاجيل = اقعد ابيتك لين يجيك لافي
واترك طريق الكذب والقدر والميل = وارجع حقوق الناس كامل ووافي

النـفس لازم عليـــك اتعسفـــــــــــــها =عسف الحصان الياتمكن الجامـــة
ترى خبايا النفس مــحـــد عرفـــــــها =فيها الامل فيها الحزن وابتسامـــة
يصعب على الانسان يوصل هد فـهـا =ولاتشبع من المـال لوهو جهامــة
اعرف نقاط الضعف عندك وشـــفـها =واترك طريق الخطى والنـــدامـــة
وابعد عن نظره حـــرام اتخـطــــفها =فيها ترى الشيطان ركز اسهامـــة
زين لها بالحب ثــــم دقـــــــــــفهـــا =ولصار هذا ماتفيدة احــلامـــــــــة
البنت ليمن تعرى شـــــــــــــرفهـــا =مثل الزجاج اللي ايتكسر الحامــــة
ولنسترت الانثى مــــــــــحد لقفهـــا =الاصل طيب والقرايب نشامـــــــة
راعي المثل في نظرته ماوصفهـــا =وتاج الشرف نالت اعالي اوسامــة
متمسكة في دينها مع عفـــــــــفهــا =وابليس ماخيم معـاها اخيـامـــــــــة
وناس مع التيار كل جرفـــــــــهـــا =خفيف عقل لو كبير العــمامــــــــة
السالفة لاكنت تجهل طرفـــــــهـــا =اجمح خيالك لايكثر اوهــامــــــــة
الفرصة مرة لازم عليك اتقطـــفها =قطف الزهر بين الشجر والخزامة
ولافاتت الفرصةلاتحتـــــــــــسفها =اعرف وصايفها وحط العلامـــــة
ولحظة فراقك في لزومك اصرفها =لايضع وقتك بالسوالف ودامـــــــة
ولاترتجي من حاجة تلتقــــــــــفها =ترى التـدري والتاني سلامــــــــة
واستغفر الله عن ذنوب اتغــــرفها =واخر نهايتك اللحــد وسط خامـــة
وصلاة ربي عد نخل ابسعــــــفها =على النبـــــي شفيعنا بالقيامــــــــة

هذه القصيدة اهديتها الى الاستاذ عبدالرحمن الغامدي عندما كان مدرسا في البحرين واهتم بالعيال اهتمام خاص لانهم من قبيلة عنزة بدون معرفة شخصية وقال انا سفيرهم في البحرين

للسفير الغامدي

للسفير الغامدي نـرفع تحيـة= كلها تقديـر وأنحمـل معاهـا
الخزامى والنفـل منـا هديـة= وريحة النعناع والزعتر هواها
للمعلم يـوم شالتـه الحميـة= عند ربعة ناض بالرجل وثناها
ربعنا الويلان ونعـم السميـة=تبعد العدوان ماتقرب أحماهـا
بالشجاعة ساجر ساق الشليـة=للرياض الخضر وأيورد أبماها
أحترام الجار لو سوى الخطية=مصبر للنفس لاخـر منتهاهـا
وبالكرم يعطون ماردوا عطيـة=الغبيني مايـرد اللـي عطاهـا
مصوت بالعشاء بايدن صخيـة=صوت أبن امهيد يدعوا في عشاها
العفف والستر وأعلـوم عذيـة = يوم مـر المرتعـد لاماشناهـا
وزع الحلال والقسمـة سويـة=قسم حق الضيف والباقي نساها
الحكم والشعر وأنفـوس أبيـة=قالوا الشيخات عالي مستواهـا
أبن وايل وين مايحمل هويـة=يفتخر في نجد وأيقدس ثراهـا

هذي القصيدة مهداه للدكتور بدر مناحي العنزي

لذكرلي الوايلي جيته سريـع =المشاعر تسبق وتسعي سعي
جايه عند الهدف لا ماتضيـع=جيت وشعور المحبه جت معي
محسبنا الوقت واربوعي جميع=لو ذبحنا البرد وانقص اصبعي
مرحبا مليون ياالرجل الشجيع=في ابعادك وانت بالواقع معي
جلستي بين الجماعه في ربيع=وكان جور الوقت مشى مدمعي
الرجال اللي غلاهم مايضيـع=والرجال اللي رضاهم مطمعي
لالفيت امعزب منـت ابمنيـع=تامر وتنهي الجهامه تشلعـي
والله انه شوفتك بـدر بديـع =نستمعلك ونستفيـد ونطمعـي
بطيبك المعهودوالخلق الرفيع=نبدي براي حشـى مايمنعـي