كل يوم انزل للحياه آخر إصدار

وانا ابخص بنفسي وعارف مقامي

وان مرني مع غيبة الشمس خطار
يا كثر ما لا يستحق اهتمامي

الناس فيها خير لو يوجد اشرار
واللي يصون العهد ماهو حرامي

تبقى بوجه الريح ياضلع سنجار
راسي وتبقى من كبار الاسامي

عن ضيقتي ما قول فكيت الازرار
اللي على صدري لو الوضع حامي

الله حفظ كنز اليتيمين بجدار
الخضر اقامه يوم اوضح كلامي

تسمو بي الغايه وهقواتي كبار
لين السما فوق السحاب الركامي

لو الرصيد أصفار الاخلاق مليار
وان زاد فقري ما يقل احترامي

لاهنت شاعرنا جمر الغضا
القصيده بقمة الروعه والإبداع

لا هان من قال

الله يعافيك ويسلمك
شرفني مرورك الكريم

صح لسانك وسلم حزفك

خيال نجد


صح بدنك والله يحفظك يالغالي

صح الله لسانك ودام عزفك شاعرنا

لكل من شرفني بمروره
صح بدنكم يابعد راسي
والله يعافيكم ويسلمكم ويحفظكم
من كل مكروووووووووه

يعطيك العافيه وصح بوحك شاعرنا
بانتظار جديدك القادم بشوق
تحياتي لك
الحكيمة

لكل من شرفني بمروره الكريم
الله يعافيكم ويسلمكم وصح بدنك
والله يحفظك من كل مكرووووه