قصة الشيخ ساجر وخليف

احييكم الجميع واهديكم هذه القصة الشيقة وبطلها الشيخ ساجر الرفدي شيخ السلقا من قبيلة عنزه


القصه تحث على الركاده وعدم التسرع في بعض الأشياء


الشيخ ساجرالرفدي شجاع غني عن التعريف ومعروف من قبيلة عنزه جاه ضيف اسمه خليف


وحكاله قصته وشكاله قال انا شدو جماعتي عني وجلست انا والدتي بس


وخلوني قال الشيخ ساجر رح وجب والدتك وبيتك وتعال اسكن عندي ربي يحييك


والي تبيه من كل خير يحصل لك انشاء الله


راح وجاب والدته وبيته وجاور الشيخ ساجر واكرمه


وفي يوم من الايام طلع الشيخ ساجر للقنص وقاله ياخليف ابي اقنص تعال معي


رد عليه خليف قال ابشر ياشيخ خير انشاء الله


راحو يتقنصون وكان مع الشيخ ساجرصقر اسمه حطاب وسلوقي اسمه خطاف


وهم يقنصون طلعت قدامهم ارنب نزلو السلوقي عليها وصار يرددها عليهم


وخليف من عادته العجله بالتصرف


ومقرود وتصرفاته عجله حاول خليف انه يحذف الارنب يرميها ورمى السلوقي الا ميت


قال الشيخ وش سويت ياخليف


قال صار الي صار ومشو بطريقهم وعرضت لهم ارنب ثانيه وهدو الطيرعليها


وبدت الارنب تقرب منهم تخشش عن الطير خطف خليف البندق يبي يرميها


ورمى الطير الا ميت لحوووول قال الشيخ ياخليف وش سويت بنا ذبحت السلوقي وبعد ذبحت الطير


قال خليف مافيه نصيب ياطويل العمر خلنا نرجع لأهلنا بس


رجعو لبيوتهم ووقتهم في رمضان جاء الشيخ يصلح قهوه


الا مافيه غير طبخه وحده من القهوه والهيل صلح القهوه واركاها على جنب النار


وكان الشيخ يشرب سبيل التتن الي يحطونه بالعظم


سوى له سبيل وحطه ينتظر وقت الغروب حتى يشربه


خليف راح لوآلدته وحكى لها القصه اللي صارت عليهم


قالت مالك حق تخلي الشيخ بهذي المحنه والي صار


رح وانا امك وحب على خشمه ورأسه وواسه مما حدث وصار


جاك خليف يبي يحب رأس الشيخ


وداس على العظم اللي هو سبيل التتن وكسره


قال الشيخ ياخليف ارجع وراك وش سويت بنا لحول ولا قوة الا بالله ارجع وراك


رجع خليف على وراه الا الدله كزها برجله وانتثرت وزاد الطين بله وتكدر الشيخ


قال ياخليف مادام هذي امورك بالي صار خذ اللي تبيه من خير واللي تحتاجه انت وامك


وانا الله يعيني على اللي حصل راح خليف المقرود بعد متكدر من اللي صار


وقصد هذي القصيده الشيخ ساجر

البارحه بالليل ماتريد حالي =قضيت انا ليلي حزين ومحتار
مصيبة ماشفتها باليالي =ياتقل يوهج بالضماير لهب نار
مصايب جني من اول وتالي =اربع مصايب لوعني من الجار
الأوله حطاب يعادل عيالي =اشقرعديم ولأبرق الريش نثار
والثانيه خطاف ماله مثالي =شره على تيس الجميله اليا ثار
والرابعه سويت بصغر دلالي =وقصرتها وفاحت على بن وبهار
والرابعه بالعظم تتن الشمالي=وافلست منهن حين حزات الأفطار
ياليت جتني قوم وافنت حلالي =واصبر على مـر الليالي والأعزار
ماشفت مثل خليف قليل وآلي =من خلقت البدوان مامثلها صار

عوافي فيصل ع القصه الجميله

نتقاء مميز

تقبل مروري/هزاع العواجي

ودي

هزاع الف شكر على المرور الرائع

الطفاقه مهي زينه اول وتالي

المطفوقين دايم يجيبون العيد اما بهم ولا بغيرهم

صح لسان الشيخ

والله يعطيك العافيه وتسلم يديك

يعطيك العافيه على المرور

يسسسلم ذووقكـ الحلوو على الاختيآآآآآر الحلوو
مآآآآآآننحرم من اآآآلمزيد
مووودتي

الف شكر على طرحك الراقي المميز والمفيد
تحيه وتقدير لك

شكر جزيلا للطرح القيم
ننتظر المزيد من ابداع مواضيعك الرائعه
تحيتي وتقديري لك
وددي قبل ردي .....!!

طرح رائع ومميز

الله يعطيك العافية

شكرا جزيلا وبارك الله فيك ويعطيك العافية على الموضوع ..