حصة انجليزي ببلاش...

طريقه سهله لتعلم اللغه الانجليزيه

افرض واحد ضربك على راسك بقوه وش بتقول : اي اي اي ,,,,, i = معنها = انا

هل تحب جبنة بوك= book = كتاب
هل تحب الكت كات= لاحظ كات=cat =قط
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ; farmer <<<< مزارع

من مايعرف الرئيس ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = اعلان = وهي اختصار كلمة = commercial

تسمعون البزر يقول الى امه : ماما يالله قوه البيت = قوه قوه
معنها لكم :
go = كوه = قوه
يالله نروح= let us go = ليتس قوه



كف = فيه احد ما جاه كف على وجه ؟
كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره
الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت
بلوتوث
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس




هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف
سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر
فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار =

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه

تحياتي ...............

الأخت بحر الحنين

طريقه سهلة وميسّرة لتعليم اللغه الأنجليزيه

الله يعطيك الف عافيه

طريقة رائعة وسهلة وهي طريقة الربط

ومن وجهة نظر شخصية الهواية والرغبة هي اهم الاسباب لتعلم اللغة اوي علم من العلووم اوهدف من الاهداف

الله يعطيك العافية اختي بحرالحنين

وتقبلي مرور

اخوك/

الفهدالوايلي

طريقه سهلة وميسّرة لتعليم اللغه الأنجليزيه

الله يعطيك الف عافيه

بصراحه تصلحين مدرسه انا مستمتعه بالحصه.. هاذي..

شكرا يااالغلا...

سجلي
حضوري الحصة
بس
موبعدين تقولي ادفع رسوم
خخخخخخخخ
مودتي

ياسلام على اللغه
والله انها مهمه خاصه لما تريد ان تناقش او تتحدث من دون مترجم
نبي درووس خصوصيه
لاهنتي اختي الكريمه

دحآم الهذال.. الطريقه هذه رائعه فقط.. من حيث النطق الصحيح للكلمه
شكرآ على مرورك الرائع

الفهد الوايلي...أكيد الرغبه مهمه وهي المحرضه لتعلم لكن لابد من الممارسه الدائمه حتى لو كنت
تجيد اللغه لانها هي الي بتصقل المعرفه
شكرآ على مرورك

ابن سبيله..الله يعافيك شكرا على مرورك