((جرحتني جرح عطيب ومكلوم ))

جرحتني جرح عطيب .... ومكلوم
جرح عطيب وايضا يصعب علاجه
جرح المحبة يندا يا شوق كل يوم
ولا انت داري عن هواي . ومزاجه
العشق ما هو مزحة .... عقبها نوم
العشق من يشكيه يسهر . احجاجه
ما لوم قلبك لو نسي .. حالة القوم
توك غرير بالهوى ........ واندماجه
ماتعرف بحر الحب يا جاهل العوم
ما عندك غير المزح وزود اللجاجة
كم من عديم ساطي قايد ... قروم
باسباب عشق الغر فرط ..... بتاجه
لاوالله الا حبكم حب ...... مشؤوم
صرنا معك مثل اللي طار . بعجاجة
الحب في قاموسكم نزهة ... اليوم
نفس الذي يصير بحب ... الخواجة
يالمترفة الوضع شايك ..... ومأزوم
حاول تحلي ميكم عن ...... هماجه

القارظ العنزي

صح لسانك ابا فيصل ولا هان منطوقك

دمت ودام حضورك المميز

صح بدنك أبو سلطان
الاطرق بن بدر الهذال
دمت ودام مرورك
الأروع وحضورك العذب

سلمت يمينك وصح لسانك ملايين
قصيده جمعت الجزاله والأبداع معاً

ودي

صح لسانك المليون ...

صح لسانك
طاب لي ما قرأت هنا .. وأستمتعت بهذا الجمال والأبداع
تحياتي لهذا الحس السامي
ودام قلمك نابضا ...وقلبا ساميا

خيّال نجد

صح لسانك ودام حرفك الوافي

لك تقديري

صح لسانك مليارات الله يعطيك العافيه

يسلم عمرك حزم الضامي
لاهنت ولا هان منطوقك

صح بدنك بندر لاهنت
ولا هان منطوقك