مليت اكتب وارهق الفكر مليت الشاعره#ملتاعة_مكة
مليت اكتب وارهق الفكر سجات
وش نلت من حرفٍ كتبته بديني
اراجع سنيني ونا اقول بآهات
مخترت كوني شاعره وقت حيني
تمرني لحظة شتاتٍ بوقفات
صوتٍ يلاحق راحتي محتويني
يابنت وش لك في طويل المتاهات
نصيحتي وان ماقبلتي اعذريني
قلت العفو مالي على النصح مشهات
لني ولدت لفكر حرفٍ سجيني
قال العذر وش جانيه من حصيلات
طيلة سنينك غير دمعٍ حزيني
روفي بحالك في شديد المهمات
مايستحق الشعر وقتٍ ثميني
قلت اقرب الخلان في ساع ضيقات
واقرب من انفاسي لنفسي وزيني
لو كان مفقود الفوائد بوقفات
كسبت تخليده بطيلة سنيني
حوار بين النفس ناطق من الذات
يحق تسميته جنونٍ يقيني
#الملتاعة_مكة
|
الإهداءات
« آخـــر الـــمـــشـــاركــــات »
| 
|
العرض العادي
