قصيده الشاعران .. الشاعر سليم السالم والشاعر عايد معيض 🌿بدع ورد 🌿

يا عايد ابن معيض غايب لك شهور
واليا بغينا جيتك ما تجينا

شاعر و صاحب حق وافي ومشهور
مثلك حزام وطلقته في يدينا

مانته مثل غيرك ولا انته بمجبور
تنسئ بني عمك وتبطي علينا

اخاف تبطي ثم ما تلبث تثور
ام العبيد اليا تهور حدينا

جتك القوافي صافيه مابه زور
مثلك نعده بالمواقف يمينا

الشاعر/ سليم السالم القريعا

🌴🌴🌴🌴🌴

يامرحبا ترحيبة احساس وشعور
بالصاحب اللي خصنا ويعنينا

مانسى بني عمي هل العرف والشور
ياحيف والله قولة إنا نسينا

ربعي بني قناص في مقدم الدور
لاعدوا الفرسان بالأولينا

حماية الخنفة قبل دهر وعصور
الحيزا على وقت القسى في يدينا

لاركوا باشدتهم على نايد الكور
مايركد غبار الوطى كان جينا

ياصاحبي تشره وانا كلي قصور
وان غبت عنكم عدنا حاضرينا


ثالث سنه وان كنت شاره ومعذور
وانا احتري منك اتصالن يجينا

الشاعر / عايد معيض مشيش المرتعد

عواافي للجميع

تسلم اياديك على الطرح
عافاك الله
ودي لك

صح لسان الشعراء الكرام

لاهنت ابو رشيد على النقل المميز


فائق التقدير