قصيدة الشاعر معجب الصقيري (( يا دنيتي))
يا دنيتي تكفين ما عاد بي حيل
ردي علي اللي أخذتيه ردّي
وإن كانها رحلة عذاب وغرابيل
ليت العنا فصل لي الثوب قدي
يادنيتي ماعاد فيها تساااااهيل
صبري نفذ لا بارك الله بكدي
لا قلت للايام ميت من الويل
تقول لي عساك في موت جدي
في داخلي طفلٍ يحب التعاليل
طفلٍ فطمه الوقت وعينه لخدي
لا سالت الدمعه على ظلمة الليل
يناغي دموعي ويمسك بيدي
لا شفتني ضايق واجر المواويل
اعرف تراني واصلٍ فوق حدي
لولا الامل في سورة الناس والفيل
لا قول كل الخلق والوقت ضدي
لله در الموج يا شاطئ النيل
قام يتصافق بين جزري ومدي
متى على الله يطلع بجوي سهيل
واقول بكره يازماني تعدي
وان كان ذنب الخلق بيدين هابيل
قل للزمن ماني بقد التحدي
احلامنا صارت مثل كذبة ابريل
من يوم صار الوقت خصمي وندي
يالله طلبتك تعدل الحظ والميل
دام المواجع بيحت غصب سدي
شطر حفظته في زمان البهاذيل
( ودي ولكن كيف تحقيق ودي )
معجب الصقيري
|
الإهداءات
« آخـــر الـــمـــشـــاركــــات »
| 
|
$أميرة الورد كانت هنا $
العرض العادي
