العيون الجارحه

مامر بأحلامي مثل حلمي بـ ليل البارحه
نامت عيوني من سعه ماقد سبق نومي كدر
___________________
قمت آتخبط والتفت وين العيون الجارحه
وين العيون الجارحه جتني ولا جابت خبر
____________________
ماكني الا وقتها طفلٍ عيونه سارحه
يتذكر أمه يوم راحت به تصاريف القدر
____________________
ذاك الوداع اللي خلق للحزن يد مصافحه
وذاك الحنين اللي زرع غصن الحياه بلا ثمر
_____________________
لا يالسنين المقبله لا يالسنين الرايحه
روفي ترى كل الوجيه اللي تمرك في سفر
___________________
وحنا بشر مهما تجيبين العلوم الفادحه
مهما تجيبين العلوم الفادحه نبقى بشر
____________________
نصبر وحكم الله قدر ياحلم ليل البارحه
دام العيون الجارحه راحت ولا جابت خبر
___________________
بس الوكاد اني فهمت اشياء بدت لي واضحه
امسي رحل في صفحة الماضي ولا به من ذكر
_________________
وادري بعد لامن توضيت وقريت الفاتحه
اني بذمة ربي الرحمن من بعد الفجر

________________________
الشاعر / عيسـى مفرح العنزي

الله يبارك فيك وفي طرحك
تسلم الأيادي

موضوع وافي وجميل
عوافي على الطرح

صح لسان شاعرنا الرائع عيسى مفرح العنزي

لاهنت اخوي عبدالرحمن على النقل


تقديري

الله يعافيك على الطرح الراقي ,,
كل الشكر لك
تحياتي

يسعد أيامك
سلمت الأنامل على الطرح الجميل
حفظك المولى وأدامك

يعطيك العافية على الطرح القيم والجميل
وًٍدًٍيًٍ......لًًًٍٍٍكًًًٍ......

اخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
$أميرة الورد كانت هنا $

موضوع وافي وجميل

عوافي على الطرح

تسلم اياديك على جمال الطرح
عافاك الله

ودي لك