قصيدة الشاعر معجب الصقيري (( لا واهني))
لا واهني اللي من العقل محروم
لا ضاق صدره ما تحشد وفشه
العقل نعمه لكن الحال معدوم
واشوف راس الحق صايبه وشه
حتى الحلم خرب علي لذة النوم
عجْزت مشاريه السهر لا تطشه
واللي زرع لابد ما يحصده يوم
يجني ثمار الزرع والا يحشه
ياكم تعيسٍ عاش في قصر مخدوم
وياكم سعيدٍ عاش من تحت عشه
لا تحسب حساب البشر وانت مظلوم
واللي يغشك لا تحاول تغشه
فل الحجاج وربك اللي بها يدوم
كلٍ يموت ويفرث الموت قشه
واللي كتبه الله مقدر ومقسوم
والحر مايبني من الخوص عشه
عمر البحر ما حركه كثرة العوم
واللي وقف للسيل لازم يقشه
واليا عرفت الحق ما يلحقك لوم
يموت وجه الغيم من عقب رشه
لاصار جوك معتلي فوقه غيوم
إن كان يمشي لا تدقق ومشه
ولا تبكي الدنيا ولو كلك هموم
يمكن تموت وسبة الموت خشه
الشاعر / معجب الصقيري
|
الإهداءات
« آخـــر الـــمـــشـــاركــــات »
| 
|
$أميرة الورد كانت هنا $
العرض العادي
