قصيدة-قلبي تشابك_الشاعر فوزي عازم
قلبي تشربك بالمحبه تشرباك
وقام يتشربك حبكم بالشرايين
شربكتني بالقلب والقلب يهواك
والقلب يبغى شوفتك ياريش العين
قلبي تعذب والهوى سم فتاك
وقبلي ترا عذب رجالن كثيرين
ياما نهيت القلب والقلب يبغاك
واليوم ياقلبي مصيرك على وين
على الجحيم ان كان ماهي تمناك
قلت اصل المزيون واشوف بعدين
ومن بعد ماتشبك يمنه بيمناك
اشرحله الموضوع وهات البراهين
يمكن يبي لقياك ويسعد بلقياك
ويمكن يقول اهلا هلا بالمحبين
ويمكن ينادي بالمحبه عشقناك
ويمكن يزرعلك زهور وبساتين
تكفى يابونواف واليوم ننخاك
حيثك كريم ومن رجالن كريمين
ابيك تفزعلي عسا ماعدمناك
خابرك ذيب وفاهمن للقوانين
ابيك تسري وانت عارف بمسراك
في ليلتن ضلمى بها الناس غافين
واقرب شوي وثم تمهل بممشاك
واحذر ترى بعض الاوادم خطيرين
وعطه الرساله يابن الاجواد لاجاك
واسلم وسلملي على كامل الزين
الشاعر /فوزي عازم العنزي
|
الإهداءات
« آخـــر الـــمـــشـــاركــــات »
| 
|
العرض العادي
