مساجله بين الشاعرين صقر غازي العنزي وحمد الضوي
.
صح السانك ياحمد يارفيع المقامي
شاعر(ن) ابن عمي وجزل الاشعار لمه
ومثلكم يابن عمي بالشدايد احزامي
والامور العسيره مثلكم من يتمه
الحقايق اقوله والصراحه نظامي
شعركم سيل درو(ن) من بوجهه يطمه
وانت قرم(ن) وليده موقعك بالسنامي
وانت حرا سنافي والثقايل تزمه
ماخذ الطيب ورث(ن)من ابوكم الزامي
مع خوالك وعمك والجدود المهمه
شاعر الحماس/ صقر غازي
…….……
ابيات متواضعه ردٍ على الشاعر/ صقر غازي مع الشكر والتقدير
ياهلا مرحبابك . مع مزيد إحترامي
عد ماتنثر . الماء .. الغيمه المدلهمّه
مسندي درع جنبي دوم مرفوع هامي
صقر غازي .. عضيدي بالامور الملمّه
شاعرٍ .. مفرداته .. ماعليها كلامي
ينهل الشعر مافكر بـ كيفه وكمّه
من مناهل قصيده يرتوي كل ظامي
ما تثنّت .. حباله .. واردٍ كل جمّه
رجل غالي عزيز ومن عيال العمامي
نشترك بالنسب ممزوج دمي بـ دمه
# حمد الضوي #
|
الإهداءات
« آخـــر الـــمـــشـــاركــــات »
| 
|
العرض الشجري