الشيخ سعدون العواجي

الشيخ سعدون العواجي هو شيخ عموم قبيلة ولد سليمان التي هي من أفخاذ قبيلة عنزة الكبيرة له شأن بين قبائله ورئاسته لهذ القبيلة عريقة مطاعا بين أفراد القبيلة شجاعا ومشهورا بفروسيته وشاعرا مجيدا ، أشعاره حماسية ...وكثير الفخر وكان محترما حتى عند اعدائه ، وله أبناء كثيرون ، ولكن لم يشتهر منهم سوى ابنيه عقاب حجاب ، وهما شقيقان ،



أخي القارئ هنا ستجد بعض قصائد الشيخ سعدون العواجي نقلاً من كتاب ابطال من الصحراء

للأمير محمد بن أحمد السديري

الله من هم بكبدي سعرهــــــا= دلي يمل القلب مل الشواتــــي
وشخانة الدنيا سريع دورهــــا=لو اقبلن سنينها مقفياتـــــي
ومن عقب ماني مقفي عن نحرهــا= اليوم بين القين هو والحذاتـي
ومن عقب ما نلبس غرايب شهرهـا= من فوق قبٍ عندنا مكرماتـــــي
يوم ان خيال الندم ما قصرهــا=عمن جذت به نفهق الاولاتــــــي
واليوم طيبنا عن الشيل مرهــا=يا حيف مانستاهل المعسراتـــي
حلال عقداتٍ كبارٍ عبرهــــــــا=وخالق نجومٍ بالسما ساهراتـــي
ما مالٍ الا فارغٍ من زبرهـــــا=ولاحي الا مقتفيه المماتــــــي
يا رازق اللي ما بعشه ذخرهــا=طيور الهوى في قدرتك عايشاتـي
تفرج لمن عينه تزايد سهرهـــا=الطف بنا يا عالم الخافياتــي
ياللي خلقت أقفارها مع بحرهـا=يا من بحكمك تجري الكايناتــي
أوجست من حر الليالي سعرهـــا=وذكرت طيب أيامنا الفايتاتــي
ونشدت وين اللي ينثر حمرهـــا=وقمت أتذكر وين حروة شفاتـــي
اللي الى جاء الخيل خبث كدرها=صوته ذعار القرح الصافناتـــي
عقاب السبايا كان جاها ذعرهـا=عوق العديم ومشبع الحايماتــي

يا راكبٍ من عندنا فوق مهـــــذاب=مامون قطاع الفيافي الى نويــــت
عند الفضيلة عد يومين بحســـــاب=أول قراهم قول ياضيف حييـــــــت
حرٍ صغير وتوما شق له نــــــــاب=وعقب القرا ودع رجال لهم صيــــت
وليا ركبته ضربه خل الاجنــــــاب=وانحر لنجم الجدي وإن كان مديــت
واسلم وسلم لي على عقاب وحجـــاب=سلم على مضنون عيني إلى الفيـــت
بالحال خص عقاب فكاك الانشـــــاب=ينجيك كان انك عن الحق عديـــــت
وياعقاب حدوني على غير ما طـــاب=وقالوا تودر من ورى الما وتعديـت
من عقب ماني سترهم عند الاجنـــاب=وليابلتهم قالة ما تتقيـــــت
ياعقاب حط بثومة القلب مخـــــلاب=من العام في نوم العرب ماتهنيــت
الجفن عن نوم الملا فيه نتـــــاب=وعد الطعام مدوس به حلاتيـــــــت
عقب المعزة صرت ياعقاب مرعــــاب=والناس حيين وأنا عقبكم ميـــــت
من الضيم ياعقاب السرب عارضي شاب=واذويت من كثر العنا واستخفيـــت
فاتن ثلاث سنين والنوم ماطـــــاب=وشكواي من صدري عبار وتناهيــــت
البيت مايبنى بلا عمد واطنـــــاب=متي يجينا عقاب يبني لنا البيــت
مالي جدا إلا عضة البهم بالنـــاب=وراعيت كثر الحيف بالعين واغضيـت
ارجي بشير الخير مع كل هبـــــاب=ومتي يجونا اخوان نمشة على الصيت

أثاري كذبك يا بن فرهود بالحيل =تقول من خوفك نحرنا الشمالـــي
لولا علومك ما نكسنا عن الكيــل =من الديرة اللي شفحا شف بالــي
يا ناشد عنا ترانا مقابيـــــل=ننزل لكم ( رخا ) وناخذ ليالـي
نبي نطاردكم على شرد الخيــــل=ونشوف منهو للسبايا يوالـــــي
واللي يطارد خيلكم صفوة الخيـل=بايمانهم مثل المحوص المدالــي
وعقاب فوف مشمر تكسر الذيــــل=شلايعه من خيلكم كل غالـــــــي
إليا عدا فيكم عدا فيكم الويـل=ويروي حدود مصقلات السلالــــــي
نطاح قاسين الرجال المشاكيـــل=وبالفعل تشهد له جميع الرجالـي
يا ويلكم من زايدات الغرابيــل=إن طار عن قحص المهار الجلالــي
إنشد وتلقانا على قرح الخيـــل=بايماننا ريش الغلب له ظلالـــي
عدوونا نسقيه ويل بثر ويـــــل=وصديقنا يشرب قراح الزلالـــــي

تواصل بفاصل مع عقاب العواجي رحمه الله ولأني احب هالقصيده منذو

صغري ابيّت الا ان اضعها بديوان والده الشيخ سعدون العواجي

عندما عاد عقاب من احدى الغزوات اعترضته فتاة تسأله عن حليلها
وكان من الفرسان المرافقين له

يا عقاب يا حبس الظعن باللقا الشين = ياللي حريبك بالهزيمه يمنّا
عينّت ذيب الخيل يوم الاكاوين = نور العيون بغيبة الشمس عنّا
هو سالم ٍ وإلا رموه المعادين = يا عقاب خبّرني تراي أتمنّا

فأجابها بهذه القصيدة :

يا بنت ياللي عن حليلك تسالين = حنّا لنا حي يسالون عنا
خمسة عشر ليله على الوجه مقفين = ندور وضح ٍ بالأباهر تحنّا
جونا هل البل شاربين الغلاوين = من دون رخم للحويّر تحنّا
جونا ثلاثميه وحنا ثمانين = مثل المحوص الشّلف منهم ومنا
وبانت رديّتهن وشفنا الرديين = وكل ٍ عرفنا عزوته يوم كنا
ليتك تراعي يا عذاب المزايين = يوم أن عيدان القنا يطعننا
منا حليلك طاح بين المثارين = في ديرة ٍ فيها الوضيحي تثنّى
ومنهم جدعنا عند شوقك ثلاثين = وكم خيّر ٍ من راس رمحي يونّا
في ساعة ٍ فيها تشيب الغلامين = انطح نحور الخيل يوم اقبلنّا
يا ما نقلت الدين وألحقته الدين = وحريبنا في نومته ما تهنّا
أرسي لهم يا بنت وأنتي تعرفين = لياما حمام النصر رفرف وغنّى
وأردها وألحق ربوعٍ مخلّين = ونروي حدود مصقّلات ٍ تحنّى
وقلايعي من نقوة الخيل عشرين = قبّ ٍ ولا فيهم ثبار ٍ ودنّا

البارحة نومي بروس الصعانين = طوال ليلي ما تهنـّـيت بمراح
كبد نعالجها بعوج الغلاوين = وروابع ٍ ما تودع القلب ينساح
بلاي والله يا ملا خابر ٍ شين = تظهر علينا مرمسات ٍ الى راح
اللي يكفّ الخيل كفّ البعارين = ويرخص بروحه يوم يغلون الأرواح
خيّالنا يوم اكتراب الموازين = ويرعى بظله بالخطر كل مصلاح
حالوا عليه اللي على الموت جسرين = لا وابعيْني ما يجاجون ذباح

[/align]

ياونة ونيتها تسع ونـــــــات = مع تسع مع تســـعيـن مع عشر ألـوفي
مع كثرهن باقصى الحشا مستكنـات = عداد خلق الله كــــثير الوصـــوفي
ونة طريح طاح والخيل عجـــلات = كسره حدا الساقيــــن غاد ٍ سعـــوفي
على سيوف بالملاقى مهمــــات = سيفين أغلى ما غــــدا من سيــوفي
وعلى محوص بالموارد قويـــات = أسقي بهن لو القبـــــائل صــفوفي
احشم بحشمتهن ولو هن بعيـــدات = وأنام لو ان الضــــوارى تــحوفي
خليتني ياعقاب ما به مــــروات = عيالك صغار والــــدهر به جـنوفي
من عقبكم ما نبكي الحي لو مـــات = ولاني على الدنيا كثــــير الحسوفي
ياطول ما جريت بالصدر ونــات = على فراق معطرين الــــسيـوفي
وياعقاب عقبك شفت بالوقت ميــلات = واوجست انا من ضيم بقعا حـــفوفي
مرحوم يا نطـّـاح وجه المغيــرات = إن جن كراديس السبايا صفـــوفي
مرحوم يا مشبع سباع ٍ مجيعــات = وعز الله أنه عقبكم زاد خـــوفـــي
الخيل تدري بك نهار المثــارات = ياللي على كل الملا فيك نــوفـــي
والخيل تقفي من فعولك مــعيفات = تاطا شخانيب الرضم ما تشوفـــي

يا علي وين اللي رعينا بهم هيت = حال اللحد من دونهم والظلامي
البارحة يا شمعة الربع ونيت = ونة صويب ومكْسِرِه بالعظامي
أوما الشجر وانا بعد مثله أوميت = أوماي صقّار ٍ لطيره وحامي
طير ٍ ليا جا الصيد يشبع هل البيت = جته هبوب ٍ مع جراد ٍ تهامي
عز الله اني تو , يا علي ذلـّـيت = تبيّنَت وانا على الناس كامي
وعز الله اني مع شفا البير هفّيت = هفّة قفي ٍ من عجوز المقامي
واليوم من باقي حياتي تبرّيت = عقب الشيوخ معدلين الجهامي
ويا علي عفت الحي من كثر ما ريت = وجرّيت للونات والقلب دامي
وعذّبت قلبي في كثير التناهيت = والعين عيّت من بلاها تنامي
راح عقاب الصيرمي شايع الصيت = يا علي من عقبه تراعد عظامي

احدى قصايد الشيخ سعدون العواجي التي يرثي بها ابنه عقاب عقب مامات

وهالقصيده من قصايد الرثا المؤثره جدا

بيبان قلبي والضماير عونّـــــــــــي =إعواي مع ماضي سبيب الربابه
أعوي عوا اللي يوم يقنب يونـــــي =ذيبٍ تعاواله ضواري بغابــــــــــــه
في راس مرفوع الحجا يقنبنـــــــي =تجاذبن الصوت رمل الذيابـــــــــــه
أنا عويت ومثلهن قمت أونـــــــــي =عزي لمن عكف الشوارب ذهابـــــه
زمل المحامل بالمهامه غدنـــــــــي=وأنا بعد من عرض جملة احسابـــه
قصيتهن حيث انهن حودرنـــــــــي=مع جال مايرجع ذهيبٍ غدابـــــــــه
لا والله الا ليثها غاب عنــــــــــــــــــي=ماعاد يرجع ليثها من غيابـــــــــــه
الخوف عقب العز حبله مكنـــــــــي=وتحطمت عقب العقاب المهابــــــــه
أيامها وسنينها خسرنــــــــــــــــي=ليثٍ يجندل مقحمين الحرابـــــــــــه
صوته ذعار مشمرات تعنـــــــــــي=درع المتلي والصوافن تهابــــــــــه
سيفه بهامات العدا مايونـــــــــــــي=إن جا نهارٍ طال وأظلم ضبابـــــــــه
الموت سحبه هشمن وارعدنـــــــي=وارزم خياله يوم رودم سحابــــــــه
رجف الحوافر بالفوارس يرنــــــــي=والسيف يصرخ بالجماجم اذبابــــــه
واليا برز له فارسٍ مايثنـــــــــــــــي=صاحن عليه ملويات العصابـــــــــــه
يشهد على ماقلت ريع المغنــــــــــي=وتشهد على قولي شوامخ اهضابــه
وتشهد ابواعه والقراة يشهدنــــــي=ورمان يشهد والعماير وطابـــــــــــه
يرمس على موت الحمر ما يكنــــــي=حبس بحومات الوغي يلتجابـــــــــــه
من عقب ماني دالهن مرجهنــــــــــي=البين ياماضي قضعني ابنابــــــــــــــه
غزو الندامه سرد خيله وطنـــــــــــي=ركز بلاه وجاحني في صوابــــــــــــه
العام نحري مطربينه يغنــــــــــــــــي=واليوم عيدان الزوابع هبابــــــــــــــه
عقاب اخذته المقادير منـــــــــــــــــي=لو صحت ما يرجع علينا جنابـــــــــــه
البيض تنعى والعشاير تحنــــــــــــــي=عليك ياسبعٍ عرينك بغابـــــــــــــــــــه