ما تدري بْشر

ماتدري بـْ شَرّْ ياللي ساكنٍ صدري
.......جّواه تلعب طرب ماحولك الوالي

يامسويٍّ حالك بحالي وَلا تدري
..وانت السبب في حزن مبحوح موالي

ماتدري انّك سرقت "القلب" من بدري
..... والميجنة تزعٓج اللي " يابري حالي "

وماتدري ان التّبَلّد مابه اتْمِدْرِي
.... وراعيه مايفرق الحنظل من الحالي

حلّلت ذبح المشاعر وانتهى قَدْري
...... في عين ذات الوجع ماعادت تبالي

ماعاد في داخلي عرقٍ م هو خَدْرِي
.......... وماعدت اميّز من اللي قطّع اوصالي

ماعدت ابالي وصوتي للوجع (مـدري )
...... وان زاد حد الألم ردّه ( وانا مالي )

خالد جازم

خالد جازم

صح لسانك وسلم بنانك واعتلا شانك

ابدعت وامتعت بهذه المعزوفه الرائعه


دمت ودام حضورك الراقي

صح السانك لاهنت ولا هان منطوقك
شاعرنا الفذ خالد جازم الرويلي

نعم ياسيدي نعم
ياسلااام عليك يا
خالد جازم الرويلي
ابدعت بهذا العزف المتفرد
رااائعه بحق
سلسبيل عذب من المعاني
صح لسانك ملايين
بانتظار جديدك باذن الله
ودي واحترامي