مرثيات عنزة في العقيد عايد راكان الفقيري رحمه الله واسكنه فسيح جناته

المرثيات
________________________________________
ليت الليالي ماخذت طير حوران
لو دورت بالناس تلقى بداله

يالموت لو دورت غير ابن ركان
تلقى من عفون العرب والحثاله

سنين عشناها معه مثل الاخوان
واليوم يسكن وسط قبره الحاله

ياالله يامنزل تبارك والانسان
ياخالق المخلوق الطف بحاله
💔💔💔💔
معيض الشملاني
________________________________________

من حل يومه لويطولن الازمان
لبد من يومآ تقشط حباله

هذا القدر مايعرف الفلان وفلان
كم واحدآ ياالقرم فارق عياله

وان اشهدن اللي فقدنا بليهان
ليرتكا للحمل يامعيض شاله

محمد الشملاني
________________________________________
ألموت حق ومنتها كل أنسان
والأدمي ماتفيده الا أعماله

ولد الفقيري من طويلين الأيمان
كم واحد مثلي مايعرفه دعاله

من بحياته يكسب الطيب ربحان
مقدر ممدوح لياجاء مجاله

ألله يرحم ألمنبهي ولد راكان
ويظلله رب البشر في ظلاله

والموت مايبقي على كاين كان
ولا يرافق الأنسان الا أعماله

عوض صالح ألعطيفي
________________________________________
دنياك هذي كل من فوقها فان
وياحظ من لامات كلن دعاله

يامعيض صدري داخله تقل بركان
وشلون صدر امه وعمه وخاله

ايوالله ان الشعر يرثي كحيلان
عايد زبون الطيب راع الشكاله

ياالله طلبتك يالولي عالي الشان
لا تحرمه رحمتك والخلد فاله

عـبــدالعزيز قــالــط الطــويلــعــي
________________________________________
مرحوم ياللي محتمي كل ميدان
اللي على الفزعات يكرب احباله

مرحوم ياعايد سلاسل اكحيلان
اللي يروم المجد والمجد طاله

عزالله انه من عطيبين الايمان
بالطيب والفزعات كلن عناله

عايد خذاه الموت يوم القدر حان
والحمد للمعبود في كل حاله

ويالله ياللي خالق الانس والجان
يالواحد المعبود جلا جلاله

نطلبك يالجبار له كل غفران
وعسى كتابه في يمينه يناله

فوزي عازم العنزي
_________________________________________
مرحوم ياعايد سلايل اكحيلان
ياللي على الطولات فيك البساله

عساك بالفردوس ساكن وسكان
وعسى ولي العرش ظلك ظلاله

كسبت علم الطيب ماقيل نقصان
والطيب لاهل الطيب يذكر مجاله

اللي عن الجزلات في وسط الاطمان
يفدى هل الطولات واهل الرجاله

واللي شمخ بالطيب لوهو بالكفان
علمه ينومس وكل داعي دعاله

الحميدي ابن صنعاء
_________________________________________
يالله ياخلق الأنس والجان
جلى جلالك ياعظيم الجلالة

يالله ترحم من لهم بالوفاء شان
الي افعاله سابقاتن اقوالة

الموت حق وللمخاليق ميزان
وكلن على ماقيل يقلى عمالة

العين لو تدمع ولو يشكي لسان
تالي توالي العبد بقبر لحالة


ريان بن عبدالرزاق ابن شميط
________________________________________
مرحوم ياعقيد ركنا من اركان
كيان يزخر بالوفاء والبسالة

من درع بلدنا تحت حكم سلمان
اللي حكم في كل حزم وعدالة

عايد فقيدة للأحبة والاوطان
فقيدة على الوطن ورجالة

أدى الأمانة في تفاني وباتقان
وحب الوطن بإخلاص جواةشالة

الله يغفرلة ويجزاة بإحسان
ولجنة الفردوس عس مآلة

ويعظم أجر أهلة وربعة والاخوان
ويحسن عزاء كل اسرتة وعيالة

علي بن ثاني الطويلعي
________________________________________
الله مـن علـمٍ تقل ضــرب بــركـان
حــرك لسـاكـن ثــم زلـــزل جـبـالـه

بأسباب فقد اللي له الطيب عنوان
عايـد ولــد راكـان رمــز الشــكالــة

مـرحـوم يا حـرن للأجـواد مـزبـان
قــــرمٍ يـظــلل بــاللــوازم ظــلالــه

عــزيت نفـسـي ثــم عـزيـت راكان
وأعـــزي لــربعــه وجمـلـة عــيالــه

بالقـدر نـومـن لـو فـقـدنا كـحـيلان
العمـر لـو طــول يجـي لـــه زوالــه

عسـاه بالجنـة مـع أصحاب الإيمان
ويشـفع لـه المبعـوث راع الـرسـاله

يامـا بكـينا مـن رجاجـيل شـجعان
اللـي مـثل شـرواه فـي كـل حـالــه

هذي هي الدنيا بهـا أفراح وأحزان
والعبـد يرحـل كان مــوتـــه دنــالــه

****** ،،صبيّح العوض،،

جاني خبر هز المشاعر في نهارك يالخميس
وامنت باللي قدر الله من قضاء ومن قدر

علمٍ عصف في جوي وخلا خيالي كالقبيس
و هلت دموعي والحقتها ونةٍ وسط الصدر

يارب عايد نور القبره وذكرك له ونيس
وتجاوز الذنب الذي يارب من عايد بدر

وعسى عمله الصالح العايدبقبره له جليس
واضله ابجنة عدن في فيّ مخضود السدر

ضيف الله صالح الضوي

صح الله السنت الشاعر جميع
وجزاهم الله خير على هذي المرثيات
واشعورهم بالحزن والأسى بفقد فقيد عنزه
عامه العقيد/ عايد راكان الفقير وحمه الله واسكنه
فسيح جناته والله يلهم ذويه الصبروالسلوان
وانالله وانااليه اجعون

صح لسان الشعراء الكرام ورحم الله الفقيد وأسكنه فسيح جناته

لاهنت ابو رشيد على النقل


تقديري

تسلم اياديك على الطرح
عافاك الله

ودي لك

طرحت فابدعت شكرا لك
ننتظر جديدك المميز كالعاده
أميرة الورد كانت هنا.....@