((انا بدوي ))) الشاعر خلف صالح الرويلي
انابدوي يابنت من غير منقود
طبعي بدوي يابنت هذي حياتي
السيف والشلفا ومجند وبارود
والبس زبون الثوب تحت العباتي
ماهمني لو هو مع الساق مسرود
مااخفي عيوبي شيمتي في سكاتي
وبيه سمار الارض من شمس ورعود
وبيه بياض الصدر تعكس مراتي
ماهمني ليا ضاقت ايامي السود
لا ماحنيت الراس الا بصلاتي
امشي خلا مابين رملاً وجلمود
وسط الصحاري الحمر اقضي حياتي
قام الزمن يرسم تجاعيد بزنود
لاعجعجة ترسم بوجهي سماتي
حتي لو اني تالي الليل ملهود
لحن القوافي ترسمه ريشه ابياتي
فيني شموخ العز والطيب والجود
وفيني جموح الخيل يجمع شتاتي
اشعلت يدي جمر للبن والعود
والعز طبعي والوفا من صفاتي
رضعت حب الطيب مع ذعذع النود
واطوي شريط العمر مع ذكرياتي
نصيبي الله كاتبه وانا مولود
طفلن تهدهدني سموم امسياتي
سعادتي يابنت ما بالحكي زود
وسط الحلال امشي وبيدي عصاتي
رجلي يشققها الحفا ويابس العود
ومن الضمى بلل لساني لهاتي
اتبع خضاراً يطرب القلب والذود
وسط الربيع اسرح مع نويقاتي
مثل الصقر ما به مسابيق وقيود
وليا كفخ علا على النايفاتي
على الفرس يابنت والسرج مشدود
واشد عنان الخيل واقصر خطاتي
وطعم الصميل اللي به الخير والفود
ومعه الزهاب وزود صيد القطاتي
وسط الليال السود والحر والكود
متوسدن قشعا وفوقي عباتي
اوحي سباع الليل في حزه النود
والذيب يجفل ليا لمح شنباتي
ودنياي في عيني ترى اسهودومهود
طبعي بدوي والصبر اجمل صفاتي
كل اتكالي برازق الكون ماكود
ومادام رب البيت يسمع دعاتي
ما نشتكي الا على خير معبود
سبحان منهو عالما سر ذاتي
ويا الادمي نهايه الجسم للدود
لاتغرك الدنيا وهذي وصاتي
يارب ترحمني ليا كفنت بلحود
يارب ثبتني بيوم الثباتي
وختامها صلو علي خير موعود
مع النبي يارب هذي مناتي
الشاعر / خلف صالح الرويلي
|
الإهداءات
« آخـــر الـــمـــشـــاركــــات »
| 
|
$أميرة الورد كانت هنا $
العرض العادي
