قصيدة الشاعر / سعود فهد الحريري ( نصيحه)
أدمح الزله اليا جت من رفيقك
وسع الخاطر ترى الدنيا قصيره
لو تطاوع كل شي يزيد ضيقك
وانت ماتملك حلول ولابصيره
اكبر عيوبك تبين مع شقيقك
لاترتكته وانت بالدنيا خشيره
واصغر عيوبك يفسرها صديقك
لاترك بموقف ً حالك خطيره
لاوقفت بالحلق والا نشف ريقك
اكرب حبالك ترى الدعوى كبيره
حاول تحدد بعرفك وش طريقك
وكل رجال ً يوضح له مصيره
ولا طفشت اضبط مع الدله بريقك
وكب عنك الناس راعيها وأميره
في صحاحيح الخلا كثر حريقك
دن نجرك من سخاك بكل ديره
واعرف ان الشهد مضمونه رحيقك
والكرم يدفن عيوب" مستطيره
حي من قالو فريقه مع فريقك
ولا رحل جاره دموعه له غزيره
الشاعر / سعود فهد الحريري
قانون الويلان
|
الإهداءات
« آخـــر الـــمـــشـــاركــــات »
| 
|
العرض العادي
