قصايد رثاء بالملك عبدالله رحمه الله

جتـنـي بجـوالـي رسـالـة خـبـر شـيـن
قـبـل تجــي لـيـتـه،، تـعـطّــل جـهــازي

وقـفـت كـنّـي، مـانـي مـصـدق إيـلـيـن
اذاعـه الـشـهـري،، وطـحـت امـتـوازي

فـي ليـلـة الجـمعــة رحـل قـرّة العـيـن
الـلـي بـحـكـمـه ،،،رفـعـةٍ ،واعـتـزازي

الحـزن طـاغـي فـي قـلـوب المـلايـيـن
مـاعــاد تـنـفــع بــه،،،أحـر الـتـعــازي

فـي ذمـتـي لـو مـرّت سنين واسنيـن
ان الـوطـن والـشـعـب ماهـوب عـازي

يالله عسـى قـبـر ابـو متـعـب بسـاتـيـن
ويـالـلـه عـسـاه،، بجـنـة الخـلـد فـازي

وعسـى البـقاء بعده بروس السلاطيـن
سـلـمـان ومـقـرن والـرجـال العـزازي

الـلـي حـمـو بعـد الـولـي حـوزة الديـن
وعـاشـوا لـخـدمـة درّتيـن الحـجـازي

وحـنّــا لـهـم لاشـك،، شـعــبٍ مـواليـن
قـبـل البـطـاقــة ،،لاتـجـي ،والـجـوازي

نتبع هـل العـوجـاء على العسـر والـليـن
الـنـادريــن ،،،الـعـادلـيــن،،، الـعــزازي

فـي حكمهم دايـم علـى الـعــز ماشـيـن
والامــن سـايــد،، والامـوور إمـتـيــازي
"
الحميدي الطالب العنزي

-------------
من قال لك حنا بخير وسلامه
من عقب عينك كلنا هم وجراح

مرحوم ياللي هزّنا في كلامه
يوم انشغل باله على الشعب وارتاح

الله ينور في مكانك ظلامه
كان العمل يا تاجانا صار مصباح

حبٍ زرعته بالوفا والكرامه
في قلب شعبك باقي الحب ماراح

أبشرك حتى الطفل في منامه
من عبرته لا نام تسمع له صياح

صقر العروبه صرت فخر وعلامه
رفعت راس المملكه عقب الاصلاح

واليوم لو نبكي دموع الندامه
الموت حقٍ ولكن الصبر مفتاح

مارجّع كليب العرب لليمامه
دمعٍ على قبره من عيونها طاح

الله يصبرنا ويرفع مقامه
في جنة الفردوس والسنّدس وشاح

ونستودعك ربي بيوم القيامه
يحفظك من نار تلظى للارواح

وأبشرك إنك بخير وسلامه
مادام كل الشعب يدعيلك إرتاح

معجب الصقيري العنزي

اخي الكريم صح لسانك

يعطيك العافيه وتسلم الايادي
طرح رائع وانتقاء اروع لاهنت
والله يرحم والدنا الغالي ويسكنه فسيح جناته
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

صحة السنتكم

يعطيكم العااافيه ولاترون مكروووه

رحم الله ملكنا الغالي وأسكنه فسيح جناته

وصح لسان الشعراء الكرام على هذه المرثيات الجزله

لاهنت اخوي عبدالرحمن على النقل


تقديري

رحم الله الفقيد وجعله من اهل الجنة

وصحة السنة الشعراء على المرثيات الطيبة

لا هنت عبدالرحمن على النقل القيم

لك شكري

رحم الله الفقيد وجعله من اهل الجنة

وصحة السنة الشعراء على المرثيات الطيبة

لا هنت عبدالرحمن على النقل القيم

لك شكري

لاهنت على النقل وسلمت يمينك
اسعدك الله ووفقك

صح لسانه
الف شكر لك وسلمت الأنامل على النقل